வரலாறு – அலகு 3: சிந்துவெளி நாகரிகம்

 TNPSC (Group 1, Group 2, Group 4) தேர்விற்கு மிக முக்கியமான 6-ஆம் வகுப்பு வரலாறு – அலகு 3: சிந்துவெளி நாகரிகம் பாடத்திற்கான குறிப்புகள் மற்றும் தேர்வுப் புள்ளிகள்:

1. அடிப்படைத் தகவல்கள் (Overview)

• கால எல்லை: கி.மு (பொ.ஆ.மு) 3300 – 1900 (கதிரியக்க கார்பன் வயதுக் கணிப்பு முறை மூலம் கணிக்கப்பட்டது).

• புவி எல்லை: தெற்கு ஆசியா.

• காலப்பகுதி: வெண்கலக் காலம்.

• பரப்பளவு: 13 லட்சம் சதுர கி.மீ.

• நகரங்கள் & கிராமங்கள்: 6 பெரிய நகரங்கள், 200-க்கும் மேற்பட்ட கிராமங்கள்.

2. முக்கிய கண்டுபிடிப்புகள் & வரலாற்றுச் சான்றுகள்

• சார்லஸ் மேசன் (1826): ஹரப்பாவின் இடிபாடுகளை முதன்முதலில் தனது நூலில் விவரித்த ஆங்கிலேயர் (கிழக்கிந்திய கம்பெனி படைவீரர்).

• லாகூர் - கராச்சி இரயில் பாதை (1856): இரயில் பாதை அமைத்தபோது சுட்ட செங்கற்கள் கண்டறியப்பட்டன.

• ஜான் மார்ஷல் (1924): இந்தியத் தொல்லியல்துறையின் (ASI) இயக்குநர். ஹரப்பாவிற்கும் மொகஞ்சதாரோவிற்கும் பொதுவான அம்சங்கள் இருப்பதை உறுதிசெய்தவர்.

• இந்தியத் தொல்லியல் துறை (ASI):

  • நிறுவப்பட்ட ஆண்டு: 1861 (அலெக்ஸாண்டர் கன்னிங்ஹாம் என்ற நிலஅளவையாளர் உதவியுடன்).

  • தலைமையகம்: புது தில்லி.

3. நகர அமைப்பின் சிறப்பம்சங்கள்

ஹரப்பா நாகரிகம் ஒரு திட்டமிடப்பட்ட நகர நாகரிகம் ஆகும்.

• மேல் நகர அமைப்பு (கோட்டை): நகர நிர்வாகிகளால் பயன்படுத்தப்பட்டது. பெருங்குளமும் தானியக் களஞ்சியங்களும் இங்கு அமைந்திருந்தன.

• கீழ் நகர அமைப்பு: பொதுமக்கள் வசிக்கும் பகுதி.

• வீடுகள் & தெருக்கள்: தெருக்கள் சட்டக வடிவமைப்பில் (Grid pattern) வடக்கு-தெற்காகவும், கிழக்கு-மேற்காகவும் செங்கோணத்தில் வெட்டின. வீடுகள் சுட்ட செங்கற்களால் கட்டப்பட்டிருந்தன.

• கழிவுநீர் அமைப்பு: மூடப்பட்ட வடிகால் அமைப்பு. கழிவுநீர் தேங்காமல் செல்ல மென்சரிவு அமைக்கப்பட்டிருந்தது.

• பெருங்குளம் (Great Bath): மொகஞ்சதாரோவில் அமைந்துள்ள நீர்த்தேக்கம். நீர் கசியாமல் இருக்க சுவரிலும் தளத்திலும் இயற்கைத் தார் (Bitumen) பூசப்பட்டது.

• தானியக் களஞ்சியம்: ஹரியானாவில் உள்ள ராகிகர்கியில் முதிர்ச்சியடைந்த ஹரப்பா காலத்து தானியக் களஞ்சியம் கண்டுபிடிக்கப்பட்டுள்ளது.

4. வணிகம், தொழிலும் வாழ்க்கையும்

• வணிகத் தொடர்பு: மெசபடோமியா (சுமேர்) பகுதிகளுடன் கடல் வணிகம் நடைபெற்றது. சுமேரிய அரசன் நரம்-சின் மெலுக்கா எனும் இடத்தில் அணிகலன் வாங்கியதாகக் குறிப்பு உள்ளது.

• கப்பல் கட்டும் தளம்: குஜராத்திலுள்ள லோத்தலில் (சபர்மதி ஆற்றின் துணை நதியான போகவோ நதிக்கரையில்) கண்டறியப்பட்டது.

• அளவீடுகள்: லோத்தலில் கிடைத்த தந்தத்தினாலான அளவுகோல் 1704 மி.மீ வரை சிறிய பிரிவுகளைக் கொண்டது.

• உலோகங்கள்: சிந்துவெளி மக்கள் செம்பு (முதன்முதலில் பயன்படுத்திய உலோகம்) மற்றும் வெண்கலத்தைப் பயன்படுத்தினர். இரும்பின் பயனை அவர்கள் அறிந்திருக்கவில்லை.

• விலங்குகள்: காளைகள், ஆடுகள் மற்றும் நாய் போன்றவற்றை வளர்த்தனர். குதிரையைப் பற்றி அவர்கள் அறிந்திருக்கவில்லை.

5. முக்கியக் கலைப் பொருட்கள் & சான்றுகள்

• நடன மாது சிலை: மொகஞ்சதாரோவில் வெண்கலத்தால் ஆன சிறிய பெண் சிலை கிடைத்தது.

• தலைவர் சிலை: மொகஞ்சதாரோவில் அமர்ந்த நிலையிலான நெற்றிப்பட்டை மற்றும் மேலங்கியுடன் கூடிய ஆண் சிலை.

• ஆபரணங்கள்: சிவப்புக் கற்கள் (Carnelian), தங்கம், வெள்ளி, சுடுமண் போன்றவற்றை ஆபரண செய்யப் பயன்படுத்தினர்.

முக்கியக் குறிப்பு (KVT Complex): பாகிஸ்தான் மற்றும் ஆப்கானிஸ்தானில் இன்றும் கொற்கை, வஞ்சி, தொண்டி, மத்ரை, காவிரி, பொருநை போன்ற தமிழ் பெயர்களைக் கொண்ட இடங்களும் ஆறுகளும் உள்ளன.